Sa’diy lirikasi kiritilgan to‘plam-bayozlar tavsifi

Abstract

XIX asr oxiri – XX asr boshlarida Xorazm adabiy muhitida bayozchilik an’ana tusiga kirdi. O‘z davrining mashhur Feruz, Ogahiy, Tabibiy va ko‘plab shoirlar qatorida Sa’dulla To‘ra Sa’diy ijod na’munalari ham bir qancha bayozlar va to‘plamlarga ko‘chirilgan.

Sa’diy adabiy merosi manbalari, asosan, O‘zFA Sharqshunoslik instituti qo‘lyozmalar fondida saqlanadi. Shoir lirik asarlari jamlangan manbalar deyarli o‘rganilmagan.

Ushbu maqolada shoirning ijod namunalari to‘plangan qo‘lyozma bayozlar tavsifga tortilgan. Qo‘lyozmalarning tarkibi, hajmi, saqlanish holati bilan bog‘liq ma’lumotlar keltirilgan.